'n Bybel in !Xun
Doel
Om die volledige Bybel in !Xun, 'n Santaal, te vertaal.
Agtergrond
- Ongeveer 4 000 San wat !Xun praat woon in Platfontein, naby Kimberley in die Noord-Kaap. Hierdie groep is hoofsaaklik uit Angola afkomstig en woon reeds langer as 20 jaar in Suid-Afrika.
- 'n Verdere sowat 10 000 tot 15 000 sprekers van hierdie taal is steeds in Angola en in Namibië woonagtig.
- Die groep in Platfontein beskik oor 'n skool, 'n kerk en 'n radiostasie, maar oor geen Bybel nie. Skriflesing word uit die Luchazi Bybel ('n taal van Angola) en Afrikaans gedoen. Die kinders verstaan egter nie meer Luchazi nie.
- Na deeglike navorsing, in samewerking met die Bybelgenootskappe in Namibië en Botswana, asook ander Bybelvertalingagentskappe wat werksaam is in die dele waar die San woonagtig is, is daar besluit dat die Bybelgenootskap van Suid-Afrika die vertaling van die Bybel in !Xun sal onderneem.
- 'n Vertaalspan wat uit drie lede en 'n Hersieningskomitee van sowat 20 lede bestaan, het in 2018 met die vertaling begin.
- Die drie vertalers het reeds afsonderlik konsepvertalings (fase 1 en 2) van Genesis tot 2 Samuel, 1 Kronieke, Esra, Nehemia, Psalms en Hooglied gedoen. Die Hersieningskomitee het Genesis 1-50 en Eksodus 1-12 hersien (fase 3).
Verwagte impak
- 'n Bybel sal in die hartstaal van !Xunsprekendes in Suid-Afrika, Angola en Namibië beskikbaar gestel word.
Hoe kan jy help?
R140 800 word vanjaar benodig om te verseker dat die vertaling van die Bybel in !Xun kan voortgaan.
Maak 'n verskil. Word 'n saaier van hoop.
DIREKTE INBETALING
* Gebruik asb verwysingsnommer: 1017
Bank: ABSA
Rekeningnommer: 260 208 950
Takkode: 632-005
BETALING MET BANKKAART
Net 'n oomblik ...Jy sal binnekort na PayGate DPO se webblad geneem word waar jy 'n veilige betaling kan maak.
