BYBEL-PER-MAAND KLUB

 

 

'n Bybelluisterprogram

  

BLP 1

 

'n Deel van ons bevolking kan om een of ander rede nie die Bybel met gemak lees nie en daarom is klank vir hulle die medium waardeur die Bybel toeganklik gemaak word. Dit sluit in onder andere gesiggestremdes, bejaardes en ongeletterdes.

'n Klein, herlaaibare toestel, die Audibible, wat ontwerp is om op enige plek gebruik te kan word, maak dit vir individue of luistergroepe moontlik om na die Woord van God in hulle taal te luister.

Die Bybelluisterprogram moedig groepe aan om saam na die Bybel te luister en dit wat hulle hoor te bespreek.

Die volledige Oudiobybel is tans beskikbaar in Afrikaans, Engels, Sesotho, Sepedi, Setswana, isiXhosa en isiZulu. Die Bybelgenootskap hoop om binne die afsienbaretyd die Oudiobybel in al ons tale beskikbaar te hê.

Baie mense wat spesifiek by 'n Oudiobybel kan baat, kan egter nie 'n Oudiobybel bekostig nie. Om dié rede het die Bybelgenootskap 'n spesiale Bybelluisterprogram waardeur die spesiale luisterapparaat, die Audibible gratis beskikbaar gestel word.

Bid vir:
  • almal vir wie die geskrewe Woord nie meer toeganklik is nie
  • almal wat steeds betrokke is by die opnames van die Bybel in al ons tale.